ابتدى قلبي يحبه ...

ابتدى قلبي يحبه والسهر جـــــاء في المنام
من يجيه النوم اصلاً والقمـــــر نـاوي يجيه



ابتديت أحب وأحلم واللــــــــي مثلي مايلام
والله إني من كثر المحبه قلت هذا اللـي ابيه



قبل أعــــرفه كان فجري لونه اشبه بالظلام
من عــــــرفته والليالي لونها مــــــالها شبيه



إن تكلم قـــــــال قلــــبي آآآه ياحلو الكــــلام
ينتهي حكيه وأنـا أجلس أنتظر شيء يحكيه



إن سكت أرسل لعينه من عيوني الغـــــرام
وأرتبك في نظرتي وألقـــى نفسي ذبت فيه



إن تبسم آآآآخ منه يـــــــاحلاة الابتســــــام
هو شبـــيه البدر لا إلا هو مــــــــاله شبيه



لمسته يـــــــاهي حنونه يلمس الطفل وينام
جاء يلمس يديني وضـــاعت أعلومي بيديه



مشيته إيقاع هادئ حـــــاله بحال الحمـــــام
قلبه حبيبي أبيض من نهار وطيبته منه وفيه



كلمته تهتز فيــــــــــني كل حــرف له مقام
كل جمله من كــــلامه تـــــزدهر دنياي فيه



كل نظره من عيونه كنها لقلبي وســــــــام
كــل بسمه من شفاته تقهر اللــــــــي مايبيه



بس فيه بــــــــرود طبع يقلب الدنيا غمــــام
يوم اجيه بشوق ميت وهو بــــروده محتويه



والله اني مــــــــــــــا احبه وين هذاك الكلام
والله اني ما هويته يـــــــــاااااهـ قليله اهتويه



كم سمعت الكلمه هذي ومرت مرور الكرام
مـــا تعبر عن غـــــلاته ودي بشـيء ابتديه



والله اني من عشقته مـــــالقيت له أي كلام
كل لغه في الكون تعجـــــــز تبتديه وتنتهيه



بعد كل اللــــــــــي ذكرته اللي مثلي هو يلام
وش اسوي القلب شـــــــــافه قال ياويلي أبيه