خذ قلبي لجروحك ...

خذ قلبي لجروحك ولا يجــــي قلبك جـــروح
يسلم قلبك اللـــي بكـل مــــــــا فيــــني فديته


وشلون مــــا شيل همومك وانت للروح روح
لو ينشرى فـــــرحك بعـــمري لجلك شريته


لــو ينشغل بالك احس كــــل مافينـــي ينـوح
تصغر الدنيا بعيوني وكــــــل فرحـــي نسيته


اشكي مـــــــــا بك خـل قلبك لقلــــبي يبوح
ذبحني سطـــــر من الالم بعيونك قــــــــريته


عطني احــــــــزانك ببني لها بصدري صروح
خلها من اسى الماضي اللــــي بحـــبي طويته


اضحـــــــك حبيبي بسمتك لي غايه وطمـوح
كــن نور هـــــــالدنيا من صدى ضحكك خذيته


تبسم للامـــــل خل عطـــره بجـــــواك يفـوح
تـرى بعيوني غــــرامك امل عمــــــري بديته


انت بناظـــــــــري قمه ويبقى غيـرك سفـوح
لا عدمت نظــر عيني دامـــــك بطيفك ضويته


خذ قلـــبي خذ كـل ما فيني ولا تجيك جــروح
انا ادري كــثر مـــــــا عطيتك حقك مـــا وفيته


[ندعوك للتسجيل في المنتدى أو التعريف بنفسك لمعاينة هذه الصورة]