[ندعوك للتسجيل في المنتدى أو التعريف بنفسك لمعاينة هذه الصورة]
ياويل قلـــــبي كل مــــا اشتقت لقياه
وشلون مــــا تشتاق عـيــــني لعينه
أنـا أدري إني حـــــيل أحبه وأهواه
وأنا أدري إن القلب صــــار بيدينه
أموت أنا به فـــي غيابه وأحيـــــاه
وشلون أجل لو صــــافحتني يمينه
حاولت أنا اكتم عـبرتي يوم فرقاه
وألملم جـروح الــــــزمان الطعينه
واعطيه من قلب المعنى معــــاناه
واخذ من جـــروحه ولو هي دفينه
وأضيع به في زحمة الناس وأنساه
وأنسى معه ذكــرى السنين وحنينه
لقيت نفسي كل مــــــــا حل طرياه
عــروق قلـــــــــبي كلها تقول وينه
يــــامر على قلـــــبي ولا شك ينهاه
كلـــــي أنــــا تحت الإشــارة رهينة
مــــا كل من يضحــــك سعيد بدنياه
وما كل من يبكي دموعه حــــــزينه
أحدن بكى والكـــــل يدري عن بكاه
وحـــــدن مع الضحكه تحس بـونينه
ياشين فـــــرقـى الحب وياشين بلواه
والمشكلة دنيـــــا بــــــــلا حب شينه
والزين مـــــــا يكمل ولو كان ماحلاه
إلا حبيـبي مـــــــــــــا تغير بـــــزينه
مـــــاجيت أسولف عن حلاه ومزاياه
يكفي أحاسيسي وقلــــبي عـــــارفينه
كن الفضا فـــــي غيبته ضاق مسعاه
وكــــــني غريق ٍ ينتظـــــر له سفينه
شف دنيتي ياصــــاحبي عقب فرقاه
مثل الظلام اللــــي حصـــل بالمدينة
باكتبه أنـــا في صفحة الشعر واقــراه
وباذبحه بزود الغــــــــلا دون سكينة
وبارسمه فـــي لــــوحة الشعر وانعاه
وبادفنه حبيـــبي بين الضلوع الحنينه
بوسط الحشا فــي داخل الصدر مثواه
إمــــــــا يســـــــــار القلب وإلا يمـينه
» .. الدقة البلاغية القرآنية ...
» هُـنـا ... وهنــــاك
» من أطايب الكلام
» منتجع كومو شامبالا في بالي في أندونيسيا
» من فقه الأسماء الحسنى ( الشافي )
» أفضل عشر طرق لإبعاد القوارض
» هذا الذي قتل الأمة الاسلامية
» الحلبة - Taraxacum officinalis