اشواق حبيبي بالمدينه ...

[ندعوك للتسجيل في المنتدى أو التعريف بنفسك لمعاينة هذه الصورة]


بالله ارجع شف وجــــــــــــه المدينه
تبكي شوارعها من اسبــاب فــــرقاك



حتى المباني من فــــــــــراقك حزينه
الريح صوّت ونبرة الحــــزن شبــاك



والليل بيح فـــــــــــــي غيابك حنينه
ينشد نجــــومه وين طلعت محيــــاك



برد وظــــــــــلام ودمعته وسط عينه
راح يتلمس فــــــــي زواياه يمنــــاك



كنه طفل غاب الفــــــــرح عن سنينه
يشتـــــاق لك ويحن لك ويتــــــرجاك



ياصــــاحـــــــــبي صاحبك الله يعينه
محدن عـــــرف وشلون حـــاله بلياك



عزيز نفس ولارضـــــــــــى بالغبينه
البعد يغبن والغبن كيف ينســــــــــاك



من زود حبك صــــــرت دمعه بعينه
يخاف تنزل ورجوله يالغالي توطـاك



حال الفـــــراق المـــــــــر بينك وبينه
يرمي حبال الوصل جمبك ولاجــــاك



شاعر صدى حــــــــرفه يترجم انينه
يموت حـــــــي لا فقد شــــــــــرواك



هذا انا وجروح قلــــــــــــــــبي دفينه
تعــــــال داو جـــــــرح القلب بلاماك



هذا انا ودموع عيــــــــــــــني سجينه
هذا انا ياصاحـــــــــــــبي لا عدمناك



ارجع بدونك بيض الايــــــــــام شينه
ياخي حرام ارجع ترى الكـــل يبغاك



بالله ارجع ضــــــــــاق صدر المدينه
تبكي مبانيهــا من اسباب فــــــــرقاك