حبيبي قوم وصارحني ...

حبيـــــبي نام ياعمري على صدري وصــــــــــــارحني
وفض الصمت باحساسك وخل الحب لـــي يجــــــــري


وفضفض لي بعد عــــــــمري وعــــــــــــاتبني وفهمني
انـــــــــــا أطري على بالك كثر مـــــــا أنته علي تطري


تعــــــــــــــــــال أقرب من أحضاني ترى خدك مواعدني
يبي يلامس شغف روحي ويقطف بوحـي من شعري


تعـــــــــــــــــال أنثر هنا ليلك وخـــــــــل ويلك يولعـــني
أنا أحــــــبك وأبي قــربك ترى مني قضى صـــــــــــبري


أنـــــــا نبضك زهر أرضـــــــــــــــــــك وأنت ايه تملكني
بنحل خصرك جمر ثغـــــــــــــــرك وزود بلونك الخمري


تتوهــــــني تغرقني ومن بــــــــــــــــــردك تدثرنــــــــي
وتبكي لــــي وتشكي لـي وله قلبك ومن سحــــــــــــري


أبي دموعك مع أنفاسك بصدق الود تحــــــــــــــــرقني
وأبي عطـــــرك مع سحـــــــــــرك واهك بالحشا تسري


أبي همســــــــك يبعثرني غـــــــــــلا ولمسك يلملمني
وأبي عـــــــــــــيونك من عيوني تذوب من الولع كثري


وأبـــي عهدك مع وعدك وأبــي كلك تسلمـــــــــــــــني
أبــي أيدك تســـــافر بـــي وزهـــــــــــــــر قدك يلحفني



وأهيم بعالمك عــــــــاشق جنوني أنت وانت بي تدري
تشــوف الجـــمر بعــــــيوني تشوف الشوق جنـــــــني


أجــل تدري مـــــــــــــثل مـــا أدري بأنك حلمي يابدري
حبيـبي قــــوم وصارحـني عن احســـــــــاسك وعلمني


وفضفض لــي بعد عــــــــمري وعاتبني وفهمــــــــــــني
أنـــــا أطري على بالك كـــثر مـا انته علي تطـــــــــــري


[ندعوك للتسجيل في المنتدى أو التعريف بنفسك لمعاينة هذه الصورة]

ارق التحايا للاخت الغائبه بلسم نتمنى رجوعها بالسلامه
الكلمه تعجز ان تنثر ما بجعبتها من روح وطيبة ما قرئت لها

اخي الغالي الامير انت مبدع بكل وقت وحروفك بتنتقي شخص
متمكن بجمال ما كتب تسلم يالغالي ع مرورك الجميل ..