بُعدك صار ظلام ...

[ندعوك للتسجيل في المنتدى أو التعريف بنفسك لمعاينة هذه الصورة]


المكان ونفس تــــرتيب الكـــــــــلام
إستراح طيفك ولأكـن مـــا إسترحت



والله إنه ما على الذكــــــــرى السلام
عن دروب الحلم شفني مــــــا نزحت



أرتجف والبـــــــــرد عيا لا ينــــــــام
وين أســـــــافر عن حنيـني لو سمحت



شوفنــــي مليــــــــــــان وحده وإنهزام
ضــاق صوتـي وإندثر دمعي وصحت



كنت صحرا قلت قلبـــــــــي لك غمام
رغم جرحــي في بحر صدري سبحت



إبتساماتي بعد هجــــــــــــــرك حـــرام
وإنت مــــــا ظنك بعد عيني فـــــرحت



أي حضور وأي غياب وأي مقـــــــــام
والله إنـــــي غير صمتي مــــــا ربحت



ماني متراجع وخطواتي أمــــــــــــــام
جيت أدور عن دروبك ويـــــــن رحت



جيت لك رغـــــــــــم المسافه والظلام
من بعد مــــــا غبت شفتك وإنجــرحت



كان فيني شي أكــــــــــــــبر من غرام
في مـــــلامح وجهك الغايب ســــرحت



من كثْر مـــــــــا كان في صدري كلام
قلت أحـــبك وإرتجف قلــــــبي وطحت