تخيلي حبيبتي ...

تخيلي انتي قمر وانا نجمة وحولنا الليل والأحلام البسيطة والبسمه مشرقه بسنا نورك تخيلي الأيام من دونك تخيلي السيل من غير ماه تخيلي عاشق شال حلمً قديم ورماه بين شَعرك ومن عاطر نداه رواه تخيلي انا العاشق وانتي القمر ومن بعد دربك ضيعت الدروب يا بعد كل الطيوب وخانتني القدم تخيلي مجنون وعلى حد الزمن تاه يبحث عن حبه الفاتن عن عشقه الساكن في سحر العيون تخيلي لو كل الظنون تذبح أوقاتي وتعزف على ناي الندم أهاتي وتلحن أبياتي وتعطر بالألم أنفاس كل مفتون تخيلي الإحساس ينثر على عالي سماي خوف وأمل وحيرة خطاي بين ماء ورمل تخيلي عشقي شهقة خفوق يشتكي زود الحمل ليما عجز كتفه ودور على حتفه ثم تبعثر وبكى نصفه على نصفه


تخيلي عشقي وعجزت عن وصفه ليتك قمر وانا نجمه والعشق ليل ونسامر الحلم اللي ما يفوق تخيلي اخذ قلم وقرطاس مشقوق واكتب عليه كلمه عن عاشق ومعشوق وارسلها مع الظلمه لشاعر حزين مرت عليه سنين وهو ينتظر حلمه كلمه صغيره بالحيل والله صغيره تضوي بها حرفين حاء ثم باء وش همني بعدها أجمل الأشياء تخيلي لو ما لنا أسماء وش أسميك انتي انا يا سر الوجود تخيلي كيف اناديك وانتي وانا شيً كبير ما له حدود تخيلي وتخيلي وتخيلي انتي قمر وانا نجمه انتي الشعر وانا شاعر يعشق الكلمه اتخيلك ليلً طويل وانا عاشق ينتظر حلمه بدايتها


صدفة محضة سرقنا من الزمن لحظة ونسينا همنا كله وسافرنا مع الأحلام والمسا راسم على الأجفان ظله نسينا عمرنا نسينا مدينتنا وبحرها نسينا همس أمواجها وانوار أبراجها نسينا ليلها وقمرها وطلاسم سحرها ونسينا المراسي والحروف اللي كتبناها على ظهور الكراسي وضعنا وضاعت حقائق وانفجر من صمت الدقائق وهم وقلبين معلقه بسهم مثل الصغار


نرسم قلوب حمرا ونرقص على الجمرا مره مع قيتار ومره مع طار نشده على نار وهمس واسرار وليل ما ينتهي فارش على الصحرا عباته آه يا عاشقٍ ضاعت حياته ورا ليل وسهر ينتظر نصف الشهر لجل يناجي القمرا يناظر يمينه ومن باقي حنينه يصورها ويجلس معاها على الرمله آه يا وهمٍ عجزت عن حمله وكل ما تلاشت واختفت أرجع أدورها وادورها وادورها والاقي قصتي كانت وهم وكني طفل بلحظة غفل واخذ قرطاس وقلم ورسم قلبين وسهم ولونها باشواقه ثم ابتسم وشقق اوراقه ...