تدري وش اللي يتعب البنت ...

[ندعوك للتسجيل في المنتدى أو التعريف بنفسك لمعاينة هذه الصورة]


تدري وش اللــي يتعب البنت ياخوي
رجلٍ يخـــــــــون اشواقهـــــا والمودة



إللــــــــي اذا احتاج الغلا صار نمرود
وليا شبع ممــــــــــا عطاه إســـــترده



البنت ريحانة غـــــــــــلا ناعمة عود
تبـــــــي لها رجـــــلٍ ورث طيب جده



رجلٍ فعوله كلها جود فـــــــــــي جود
مـــــــــــــا يلتفت للـي كفـــــــوفه تمده



مهوب نذلٍ مــــــا رعى للهوى عهود
وادناه مـــــــا عارض طـــــريقه يرده



ولاهـــــــــوب لاعلة ولاهوب ملهود
ولا شكوك ابداً و كـــــــلٍ طارئ يحده



ما اشين من الرجــــال لا جاك ببرود
وإن قال له تـــــــرف القدم شي صده




تبي لها بـــــــــــراق طيبٍ له رعود
إن اجدبت يمطــــــــر على ريف خده



وإن نادته تكفــــــــى لقت عنده الفود
يشيل عـــــــزتها على قـــــــــوا زنده



كفه نفل وانفــــــاس صدره لها عود
وظـلاله الضـــــــــــــــافي بيدها تمده




البنت خد وقد ونواظـــــــــــر ٍ سود
وريحة غـــــــــلا ياسعد من شم نده



البنت إلا ضحكت ثمــرها لك ورود
يـــــا خوي من يقطف نواوير ورده



واللـــــي يهين البنت ناقص ومقرود
فرس غلا مـــــــــا هي حمارة مكده