توك صغيره وبتديتي تحبين ...

[ندعوك للتسجيل في المنتدى أو التعريف بنفسك لمعاينة هذه الصورة]


توك صغــــــــــــيره وابتديتي تحبين
من علمك ليل السهــــــر ياصغـــيره



بدري عليك العشق يابنت هـــــاللحين
حــــرام هذا القلب وشهو مصـــــيره



انــــــــــــتي بريئه في الهوا ليه تشقين
دروبه بالحيل طوال ٍ عليكِ وعســيره



رحتي بدرب ٍ مـــــاله اصلا ً عناوين
وانتي مشــــاويرك من اول قصــــيره



ياطفلة ٍ حبت وراحت علــــــــى وين
عقب الهنا ذقـــــتي الحياه المـــــريره



وينك ووين الحب والشـــــوق والبين
عنيـــــتي عيونك وصــــرتي سهيره



امحق تسلي كـــــــــــــان ودك تسلين
الورد لـــــــولا اللون وشهو عبـــيره



خليتي دروسك وصــــــــرتي تحاتين
الدرس فـــي ديره وصــــرتي بديره



وصـــــرتي بعد من غيرهذا تغارين
والمشكله يابنت منــــــــتي خبــــيره



نصيحتي لك كـــــــــــــان ودك تردين
جمب السعــــــاده والحياه المثــــــيره



خلك بجو العـــــــــــــــــايله لا تعدين
ماما وبابا والعجوز الظــــــــــــريره



شيبانك اللـــــــــــي مـا يبونك تعانين
من بينهم عشــــــتي كأنك أمـــــــيره



الحب قبلك هـز ناس ٍ كثــــــــــيرين
وخـــلا القلوب تعيش هم ٍ وحـــــيره



الحب يفضح لا انكشف داخــل العين
وانتي بنفسك مـــــــا هقيتك بصــيره



طيعي كـــــــلامي واحذري لا تمادين
تراجعي لاعل فــــــي الأمر خـــــيره



عيشي الطفوله والـــــــــــــبراءه سنين
وبعديـن حـــــــــبي لا غديتي كبــيره