احبك لو يموت الحب ...

تخوفني مشــــــاوير الطريق المظلم المهجور
والي مني ذكرتك قلت طولـــــي يــامشاويري


عــــزاي انك رجاي العذب لو كل الدروب عثور
وصلت اوماوصلت اعــــرفك مانته منتظر غيري


حبيب وكــــــــل الله لاتحسب انــــي بليد شعور
لو انت المستحيل الصعب مــــابدي لك معاذيري


احــــــبك رغم تجـــــريح الليال لقلبي المقهور
اشوف الجرح يكبر وانت تكـــــبر وسط تفكيري


احــبك لو يموت الحب وتصـــــــير القلوب قبور
احـــــبك كلمة لو حـرموها حـــــل تفكــــــيري


احــــبك من هنــا حتى طلوع الفـــجر حد النور
صحيح انك قدر محتوم بس اجمل مقـــــاديري


بعذر اللي يحــــــبك لو يصير الشاعر المشهور
لانك تنهـمر حلو القصيدة فـــــــي تعــــــابيري


احد يحطك له حبيب ومـــــــــــــــــا يجيه غرور
وانــــا مهمـــــا بغيت استوعبك يـــــاقل تقديــري


هـــــــلا بك من قدمك لغـــرتك لشعرك المنثور
هــــلا فـي كل شئ فــــيك وانت اغلى مساييري


اثـر صدق الغــــلا يجبر حطام الخاطر المكسور
وانــــا مهما منحـتك من غـــلاي اشعر بتقصيري


ولو طـالت مشــــاوير الطريق المظلم المهجور
انـا لامن ذكـــــــرتك قلت احـــــبك يامشاويري


[ندعوك للتسجيل في المنتدى أو التعريف بنفسك لمعاينة هذه الصورة]

اشكرك جزيل الشكر مشرفتنا المتألقه لوتس على
ما خطته اناملك من احرف وسعيد بمرورك ...

يطولي بعمرك يالغالي
كل الشكر والتقدير لكرم مرورك ...