بليت نفسـي فــيك ...

البرد لهفة شـوق والليل ســـاكن
وانا تشفقت اللقاء وأحــتريتك


الله عطاني انت وأصبحت واكــن
علـى الله انـي لا بغيتك لقيتك


مؤمن بمــا يكتب لـي الله ولآكن
بليت نفسـي فـيك عشق وبليتك


تغيب وعيوني عليك يتبــــاكن
لو انك تسقيني الوصل ماارتويتك


خليت حسرات الزمـــان يتراكـن
بين الرجاء والياس ليتك وليتك


داويت جرح من قسى الوقت ماكن
والا فتعطيني ربع مــــا عطيتك


وخليت نــاقلات الهروج يتحاكن
ومن كثر مااجحد أحسبني نسيتك


ما شفت قلـبي والعيون يتشاكن
أغـير منهم من كثر مـا هويتك


سريت لك مشـــتاق والليل داكن
يســتر ظــلامه وقفــتي عند بيتك


تقول حــبك بين الأضــلاع راكن
وأقول هذا اللي ذبحـني وجيـتك


[ندعوك للتسجيل في المنتدى أو التعريف بنفسك لمعاينة هذه الصورة]